راغب علامة لـ منتقديه : أنا مش بكرر نفسى .. وطبيعى يكون فيه نساء فى حياتى

وقال راغب علامة، فى حواره مع الإعلامية سمر يسرى، فى برنامج "يوم ليك"، والذى يذاع على قناة الحياة الفضائية: "أنا مع حرية التعبير والرأى وانتقادى عادى ولا يزعلنى ولا يبسطنى وكل واحد له رأى ولو فنى مش متجدد ومش عاجبه ميسمعنيش محدش ضربه على إيده، وأنا بقالى 40 سنة ناجح ولو أنا بكرر نفسى مكونتش هفضل لليوم".

وعن أسراره وقصص الحب فى حياته، قال: "أكيد عيشت حياة مليئة بالقصص بالفن وبالحياة الخاصة والحياة العاطفية، وفى حاجات من حقى أقولها وفى حاجات مش من حقى أقولها، لأن فى أسرار للحياة ولازم يكون فى احترام للأطراف الأخرى ولو هكتب قصة حياتى هاشيل حاجات منها".

وتابع : "طبيعى يكون فى نساء فى حياتى، وفكرت أكتب مذكراتى لكن أنا المشكلة بقيت ناس كتير منها، وفى مرة اتعرَّفت على واحدة وبعد ما قعدنا مع بعض اكتشفت أنه كان فى علاقة بينا زمان بس كنت ناسيها وهى كانت بتفكرنى كان موقف صعب جدا".