يوسف شاهين
فى محافظة الإسكندرية، الـ 25 من يناير عام 1926، كان اليوم الذى ولد فيه شاهين، ليعيش حياته كباقى أهل المدينة، ومن ثم التحق بكلية فيكتوريا، وحصل على الثانوية، وبعد إتمام دراسته فى جامعة الإسكندرية، سافر لأمريكا، وأمضى سنتين فى معهد باسادينا المسرحى، ودرس المسرح، وبعد عودته لمصر ساعده المصور السينمائى الفيزى أورفانيللى بالدخول فى العمل بصناعة الأفلام.
"بابا أمين"، كان هو الفيلم الأول لـ يوسف شاهين، فى 1950، وبعد عام شارك فيلمه "ابن النيل" فى مهرجان أفلام كان، وفى 1970 حصل على الجائزة الذهبية من مهرجان قرطاج، وجائزة الدب الفضى فى برلين، عن فيلمه "إسكندرية ليه" فى 1978.
ظهر شاهين كممثل فى عدد من الأفلام التى أخرجها مثل "باب الحديد"، و"إسكندرية كمان وكمان"، وفى 1997 حصل على جائزة اليوبيل الذهبى من مهرجان "كان" فى عيده الـ50 عن مجموع أفلامه.
رغم كل النجاح الذى حققه "شاهين" زعيم الإخراج، إلا أنه لم يحظ طوال حياته بإخراج، ولو مشهد بسيط لـ "زعيم الفن" الكبير عادل إمام.
وفى لقاء تليفزيونى جمعه بالإعلامى محمود سعد، قال شاهين، إنه كان يتمنى العمل مع عادل إمام، متابعًا: "إحنا محتاجين للنكتة البسيطة شوية فى الأعمال وأنا مبعرفش أعملها فيه ناس بتعملها أحسن منى حلال عليهم".
وأكد:"أنا مش ضد هذا النوع من السينما، أنا مش ضد أى حاجة تبسط الجمهور أنا عايز الجمهور يطلع بشىء من السعادة زى لما إحنا كنا نخرج من السينما سامعين مزيكا حلوة وإيه يعنى لما الجمهور يسعد لما يسمع نكتة تبسطه يعنى أنا أتمنى فى وقتها إنى اشتغل مع عادل إمام، والنهارده محمد هنيدى جارى فى العجمى، وبيقولى مش هنشتغل مع بعض يا جو، قلت له أتمنى بس لازم ألاقى حاجة تنفعنى".
وكشفت الفنانة يسرا فى أحد اللقاءات التليفزيونية، مع إسعاد يونس، أنها حاولت أن تجمع يوسف شاهين وعادل إمام فى عمل فنى، ولكنهما للأسف اختلفا ولم يكتمل الاتفاق.
