محمود عبد المغنى: علاء ولى الدين مبيغيبش عن بالى.. وكان حالة خاصة جدا

تحدث الفنان محمود عبد المغنى عن بداياته فى التمثيل وخاصة تجربته فى فيلم "عبود على الحدود"، مع الفنان الراحل علاء ولى الدين، مؤكدًا أنه كان سعيدا وقتها بردود الأفعال الإيجابية من الجمهور على دوره فى الفيلم.

وقال خلال حوار مع الإعلامية إنجى على فى برنامج "أسرار النجوم" المذاع على محطة "نجوم إف إم": "علاء ولى الدين على طول فى دماغى ودايمًا بفتكره.. والله العظيم ممكن كل يوم ويوم.. أو يومين ويوم.. مش هيمر شهر ولا حتى أسبوع من غير ما أفتكره".

وتابع محمود عبد المغنى: "من حسن حظى إن واحد صغير لسة معندوش خبرة فى أى حاجة، بيشتغل أول فيلم ليه ويبقى سينما ومع أستاذ شريف عرفة ومع النجوم دى كلها، وكانو ساعتها سابقيننى بكتير وكان ليهم تجارب".

واستكمل: "علاء ولى الدين حالة خاصة جدًا لأنه راجل كريم جدًا وبينه وبين ربنا عمار، وخدت منه نصايح كتير جدًا، وكان دمه خفيف فى التمثيل وبرة التمثيل وكنت بموت من كتر الضحك بسببه".