علي إدريس: الزعيم عادل إمام قيمته ليست فردية بل فنية ومجتمعية (فيديو)

قال المخرج علي إدريس: "أنا بقول للزعيم عادل إمام كل سنة وأنت طيب، ويارب يمد في عمره كمان وكمان؛ لأن عادل إمام ليس قيمة فردية، ولكنه قيمة لنا كفنانيين وقيمة للمجتمع المصرى هو حاجة كبيرة جدًا".

وأضاف المخرج خلال لقائه ببرنامج "الحياة اليوم" مع الإعلامي محمد مصطفى شردي المذاع على قناة الحياة: جمعني شغل مع عادل إمام "التجربة الدينماركية"، وكنت مرعوب وخايف لإني كنت أخرجت فيلم واحد بس وكنت خايف جدًا، والفيلم كان مله على اعصابى ولما قعدت معاه هو حس انى متخوف وكنت بقعد معاه كل يوم في مكتبه في المهندسين وكنا بنتكلم في أمور الحياة وليس الفيلم فقط.

وتابع: كان الزعيم يكتشفني ويبحث عن رؤيتي في الحياة بشكل عام وهقدر اعمل إيه في الفيلم وبيعرف دماغى رايحة فين في الفيلم، وانا اجتهدت بحبى لعادل إمام ولم اعمل من منظور المخرج ولكن منظور المحب أو العاشق، وعادل إمام يتسع قلبه للجميع ويهمه إن الناس اللي حواليه تبقى منورة أنهم يكونوا كلهم عادل إمام ودي عظمته، وأنهم يبقوا منورين معاه انهم ينجحوا معاه.