كرارة يتحدث عن وسامته وبدايته ككومبارس وتفكيره فى الاعتزال بعد كلبش

أكد الفنان أمير كرارة أنه لم يعتمد على وسامته عند التفكير فى دخول مجال الفن، ولكن الأمر كان مفتاح مهم وساهم فى دخوله مجال التمثيل وخصوصا فى بداياته.

وأضاف كرارة الذى حل ضيفا على حلقة الليلة من برنامج "صالون أنوشكا": "وسامة من غير موهبة ملهاش لازمة، وهتلاقى الوسيم من غير موهبة مابيكملش فى الفن، ومفيش حاجة اسمها حظ، كله نصيب من عند ربنا، وأنا اشتغلت على نفسى كتير، بقالى 16 سنة بمثل، وابتديت كومبارس ومابكسفش أقول ده، لأنى مبسوط للى وصلتله، وربنا أدانى نعمة مكنتش أحلم بنصها".

وتابع كلامه: "فى 2011 قلت أنا لو ماعملتش حاجة كويسة هابطل تمثيل، وبعدها السنة اللى فاتت فكرت تانى فى نفس الحكاية بعد النجاح الكبير اللى حققته علشان كان تفكيرى هاعمل ايه علشان أحافظ على النجاح اللى حققته".

يذكر أن "صالون أنوشكا" من تقديم الفنانة أنوشكا، ويذاع كل يوم أربعاء، فى الساعة 9 مساء، على فضائية dmc.