البث المباشر الراديو 9090
خطوبة ابنة شريف منير
أعلنت أسما ابنة الفنان شريف منير انفصالها رسميا عن خطيبها الفنان محمود حجازى، وذلك بعد أن تردد فى الفترة الماضية، عن وجود خلافات كبيرة بينهما.

وكتبت أسما عبر صفحتها الخاصة على موقع "فيسبوك": "طيب الموضوع اتقال فيه كلام كتير، وأنا بعترف إنى سبب اللخبطة دى، الرجالة مبتعملش الحاجات اللى إحنا كستات بنعملها، اللى هو أزعل انزل بوست ألقح بيه عليه قال يعنى مش ليه وكل الرجالة بتكره الحركة دى وأنا بس دلوقتى بعترف إنهم عندهم حق، غير بقى إنى بنسى موضوع الأخبار ده فالتلقيح أو كلام الزعل بالنسبة لى بينتشر، وكل حد بيقول رأيه بكل قسوة".

وأضافت: "الموضوع فعلا فى الآخر اتنين حبوا بعض وارتبطوا قدام الناس كلها، ومشينا فى مشوار خطوبتنا زى أى اتنين، كبرنا مع بعض وبِينَا حاجات كتير حلوة، وبرضه زى أى اتنين حصل بينهم مشكلات وطبعًا انتوا عارفين التسرع الله يخرب بيته فلما كان فى عدم اتفاق من فترة نزلت بوست ومسحته علطول عشان كان وقت عصبية وكان لسه فى أمل بس من ساعتها وفى توتر".

واصلت: "الناس قالت كلام كتير وحش وكملنا واكتشفنا أنه فى عدم اتفاق مش عشان إن حد وحش ولا موقف ولا حاجة لحد ما أخدنا القرار بس مكناش اتفقنا على إعلان ده أمتى فأنا نزلت وأعلنت ده بس فى توقيت غلط منى بكل صراحة أنا لازم أكون أمينة فى ده".

واختتمت قائلة: "عمومًا هو محصلش نصيب بس إحنا بنحترم بعض، حجازى إنسان محترم جدًا وبتمنى له السعادة والنجاح إحنا بِنَا عشرة طيبة ونجاحات وحب وأكيد خير لينا، هو ده الموضوع بكل بساطة، ممكن بقى منتكلمش فيه تانى لو سمحتوا، أنا اتعلمت درس كبير إن الخصوصيات مش للنشر والحسد برضه مذكور فى القرآن لسبب، الحمد لله بس كده".

 

تابعوا مبتدا على جوجل نيوز