البث المباشر الراديو 9090
فطوطة بوند
طرح نجم الكوميديا سمير غانم، فزورة جديدة خلال الحلقة الـ11 من مسلسله الإذاعى "فطوطة فى كاس العالم"، والذى يُذاع على الراديو 9090، طوال أيام شهر رمضان المبارك.

وتساءل فطوطة: "وبعدين بقى هو الكابتن كوبر هيفضل قافل موبايله؟"، ليرد سمورة: "وأنت عايز كوبر ليه يا فطوطة؟ ده عند ماتش كمان كام يوم فى كاس العالم" ليرد فطوطة: "ما أنا بكلمه عشان كدة فرقة الأوروجواى مش سهلة".

وقال فطوطة: "دول عندهم رأس حربة رجله طرشة ودماغه عارفة سكة الجول"، ليرد سمورة: "تقصد اللى بيلعب فى نادى برشلونة الأسبانى؟ عندك حق".

وخلال الحلقة، تلقى فطوطة مكالمة هاتفية من الكابتن كوبر، قائلا: "اسمع كلامى وأنت تكسب الأوروجواى 3 و4 و6، رأس الحربة ده له حل عبقرى، أننا نخلى 12 مدافع يمسكوه".

وأضاف: "كل الحكاية أن الأوروجواى عندهم لعيب شبه العربية السوارى".

وفى نهاية البرنامج قدم الفنان الكوميدى سمير غانم، أغنية بصوته عن اللاعب الفزورة.

تابعوا مبتدا على جوجل نيوز




آخر الأخبار