والدة الشهيد على على السيد
وأضافت والدة الشهيد فى تصريحاتها لببرنامج "مساء dmc" على قناة "dmc"، "ابنى طلب الشهادة مرتين وقال لى يا أمى أنت ميتلك 6 عيال فى القبر وأنا هبقى السابع بس هكون شهيد، أنا نفسى أموت شهيد، واتشاهد على رقبته قبل ما يسافر بنص ساعة وحضنى كأنه عارف إننا هنفارق بعض، وقلتله هتموتنى يابنى من كتر ما حضنى، قالى أنت زهقانة منى، قلتله لا بس مش قادره أخد نفسى، وكأنه كان عارف إنه آخر حضن لأمه".
وتابعت والدة الشهيد: "أنا ربيت بطل لمصر ولكل مصر، مؤمن وموحد لله ومجاهد فى سبيل الله الحمد لله".
ومن جانبه، انهمر والد الشهيد على فى البكاء، قائلا: "لما قالوا اسم ابنى امبارح قدام الرئيس مبقتش عارف أقول إيه، ابنى استقبل 36 طلقة فى ظهره فداء لزملائه، وربنا اللى جاب ابننا وهو اللى أخده عنده".
