إسأل الرئيس
وأضاف الرئيس، فى جلسة "اسأل الرئيس" على هامش المؤتمر الخامس للشباب: لو معملناش اللى احنا بنعمله كان شكل مصر هيبقى عامل إزاى؟
وتابع السيسى: نتيجة الإجراءات إيجابية بس مش بنلمسها بإيدينا، ولو مكناش عملنا الإجراءات دى كان حجم الاحتياطى فى البنك المركزى هيبقى أد إيه؟ وحجم فاتورة الاستيراد؟ كان سوق العملة هيودينا فين؟ والمصانع كانت هتعمل إيه لو ملقتش فلوس تشترى احتياجاتها؟
وأكمل الرئيس: "احنا خدنا خطوة هنعانى منها بس البلد ما تعطلش وما تخربش، كل بيت ظروفه صعبة، المواطن معاه بس اللى معاه مش كفاية، هو احنا كان عندنا خيار ألطف من كده ومعملنهوش معاك، نتمنى نشوف من الناس نظرة المحبة والتقدير والإعزاز، باتمنى ما خليش حاجة من اللى بعدى، عشان اللى بعدى يقود البلد بشكل أسهل".
وواصل: "تحسن الاقتصاد أدى إلى طرح السندات الدولية بشكل أفضل للبنوك الأجنبية، هما مسارين لو عملت الناس هتخرج عليك، ولو معملتش الناس هتقول ده معملش كده خربانة وكده خربانة".
واستطرد: "اللى احنا بنعمله إجراءات الدولة النجيبة التى تسعى إلى تغيير واقعها المؤلم إلى واقع أفضل، والبطل فى الموضوع المصريين، ولو مكناش عملنا كده كانت هتبقى الظروف أضيق من كده، والإجراءات التى اتخذناها حتمية".
وقال الرئيس:"اوعوا تفكروا انى سوبرمان، ولا فى بوقى معلقة دهب، احنا بلد فيها 100 مليون، المواطن البسيط لديه أسرة كبيرة ودخله بسيط، وولاده يبصوا للأغنياء وهو يقولهم أنا باعمل كل حاجة عشانكم، وفى الآخر يقولوله خلفتنا ليه لما أنت مش قادر تصرف علينا".
وأضاف: "الدول اللى بره دخلها تريليون دولار فى السنة، واحنا مصارفنا بنكملها بالسلف، شوفوا الصورة كاملة وقول نعمل ولا ما نعملش".
وتابع: "فيه دول عدد سكانها 350 ألف نسمة، أنا لا أسخر من أحد، الدولة دى موازنتها 50 مليار دولار، من 800 إلى 850 مليار جنيه، يعنى احنا قدهم 50 مرة، عشان أبقى زيهم اضرب 50 فى 800 هيساوى 40 تريليون جنيه".
وأكمل السيسى: "أنتم الأمل، المصرى عنده كرامة وعزة، والله لو هنموت من الجوع، لازم نكسر الفقر والتراجع اللى احنا فيه وبكره تشوفوا".
اقرأ ايضاً
آخر الأخبار
