محمد هنيدى يتصدر Google Trends

تصدر الفنان محمد هنيدى، اليوم الاثنين، مؤشرات البحث على موقع Google Trends، وذلك بعد ساعات قليلة من ظهوره ضيفا على برنامج "سهرانين"، الذى يقدمه الفنان أمير كرارة، عبر شاشة ON E.

وكشف "هنيدى" خلال الحلقة عن عدد من التصريحات الكوميدية مابين مواقف شخصية وفنية، وجاءت أبرز تصريحات هنيدى كالتالى:

- أول مرة هربت من المدرسة كنت فى أولى ثانوى.. وكنت لابس ترنج مدرسة الثانوية الرياضية.

- أول مرة وقفت أمام الكاميرا كانت سهرة تلفزيونية مع الأستاذ شكرى سرحان، واخدت 30 جنيه واشتريت بيهم موز.

- أنا صاحب فكرة فيلم "صعيدى فى الجامعة الأمريكية"، قدمته كـ"اسكيتش" تمثيلى على مسرح كلية حقوق القاهرة مع زملائى، وكان عرضا لا تزيد مدته عن 10 دقائق، لكن بعد نجاح فيلم "إسماعيلية رايح جاى" بحث المنتجون عن فكرة فيلم جيدة له، استكمالا لنجاح الفيلم السابق، فاقترحت الفكرة على السيناريست مدحت العدل وتم الأمر.

- وعن سر "البدلة الصفرا" التى ارتداها فى الفيلم "صعيدى فى الجامعة الأمريكية"، قال هنيدى إنه اشتراها من وكالة البلح، ولا يزال محتفظا بها حتى الآن.

- كنت لما بشوف أى حد كفيف كنت بقوله تعالا اعديك الشارع وأخليه يخبط فى أى دكان، ربنا يسامحنى بقى.

- كنا بنعمل مقالب فى الناس واحنا فى الشارع، كنا بنحط صاحب لينا فى شوال ونخلى الناس تشيله فالواد يقوم مصرخ.

- جدى كانت قعدته لذيذة ويمكن أنا كنت أقرب حفيد له، كان ليّا معاملة خاصة فى كل حاجة، الله يرحمه كان معايا حالة خاصة جدا، وخاصة أنى كنت بعمله اللى هو عايزه، وأى خناقة مع أى حد فى عيلتى مكنش حد يقدر يتكلم بسبب علاقتى بجدى.

- لما انتقل جدى لرحمة الله قالولى جدك سايبلك حاجة، فأنا فرحت أوى يعنى وقولت سايبلى ورث أى أرض ولا حاجة، فالله يرحمه طلع سايبلى السديرى والعصاية بتاعته كذكرى منه يعنى، طبعا انفعلت وقتها وأنا نازل من البيت قمت راميهم على الأرض وقلت إيه الورث ده.