دلال عبد العزيز

أعربت الفنانة نادية الجندى عن حزنها الشديد على رحيل الفنانة دلال عبدالعزيز مؤكدة أن الفنانة الراحلة هى فنانة من فنانات الزمن الجميل الملتزمات، وكانت بتحترم جمهورها وعائلتها وكانت صديقة للجميع ومحبة للجميع.

وتابعت نادية الجندى، خلال مداخلة مع برنامج آخر النهار:" عمرنا ما سمعنا عنها مشاكل ولم تخض حروب أو صراعات من صراعات الوسط الفنى زى كثير من الفنانات اللى كانت دائما فى صراعات وتؤذى زملائهم ".

أضافت :" دلال وسمير كانوا النسمة الحلوة والبسمة الحلوة فى الوسط ودلال تحس إنها اختك أو حد من عيلتك، وسمير تحس إنه حد قريب منك ودى حقيقة".

وتابعت: دول من الفنانين القلائل اللى غيابهم فعلا خسارة كبيرة للوسط والفن ولزملاؤهم وعلشان تلاقى فنان وعلى خلق ده قليل جدا لما تلاقيه النهاردة دلال وسمير كانوا على خلق علشان كده نظرة الحزن من الناس حقيقية ".

واختتمت :" الناس حزنت عليهم بالفعل والجمهور ما ينضحكش عليه، ودلال وسمير عمرهم ما لبسوا ماسكات وكمان أولادهم متربيين على الخلق دى والفنانين دول مش هيتعوضوا تانى، لكن عاوزة أقول ان الفنان الحقيقى بتفضل سمعته خالدة وفنه باقى"  .