سهير البابلى

أكد نيفين القرناوى، ابنة الفنانة سهير البابلى، أن والدتها لن تخضع لعملية قلب مفتوح.

وقالت نيفين خلال مداخلة هاتفية مع الإعلامى سيد على فى برنامج "حضرة المواطن" عبر قناة الحدث اليوم: "سمعت دلوقتى حد بيقول إنها دخلت تعمل قلب مفتوح، كلام مش مظبوط خالص".

وأضافت: "كانت أول حاجة السبب والله أعلم هبوط السكر العالى جدا، لحقوا طبعا، والسكر لما هبط عمل جفاف فى الجسم، والبروتين نقص جدا من الجسم، فابتدت تمتنع عن الكلام والأكل والشرب، ولما دخلت تعمل تشيك أب لقى فى مية على الرئة، وشوية لقى كمان جلطة فعضلة القلب وقفت، بس الحمد لله شغلوها بفضل الله وهى دلوقتى تحت الرعاية فى العناية المركزة".

وتابعت: "أنا بكلمها وهى من ساعة ما دخلت بتتكلم، ودرجة الوعى جميل، بس فى أوقات بيدوها مهدئ عشان فى حاجات راكبة. فى خراطيم عشان التنفس لإن الأكسجين نزل جدا عشان المية على الرئة، وعشان عضلة القلب وقفت، فلازم يريحوا شوية متبقاش قاعدة مركزة قوى مبتنامش، فبيدوها مهدئ عشان تسترخى ويقدروا يشوفوا درجة التحسن".