مبتدا

وجَّه المخرج الكبير خالد جلال، عدة نصائح لمتسابقى برنامج "كاستنج 2 " المذاع على قناة CBC الفضائية.

وقال خالد جلال: "المرحلة دى هى أخطر مرحلة وهى المرحلة الفارقة واللى المفروض كل واحد فيكم يحارب علشان مكانه فيها، وأى حد بيحط رجل على رجل ومتأكد إنه داخل يعتبر نفسه مش داخل".

أضاف خالد جلال: "انت بتحارب علشان تاخد مكانك، وعلشان تستحق مكان داخل كاستنج وأى تأكد أنا بقرأه وفورا بحس إنك انت مش هتقدر تكمل المنهج، لأن هذه الثقة أحيانا بتكون سلاح ذو حدين واللى هيعدى النهاردة هيدخل فى مراحل أصعب زى الجيم".

وتابع: "عايزكم أد إخلاصكم لموهبتكم قدمولنا النهاردة اللى يخليك تحتفظ بمكان فى الـ 25 متسابق وهيكملوا معانا كاستنج".

مشروع الشركة المتحدة لاكتشاف المواهب التمثيلية

مشروع كاستنج هو مشروع الشركة المتحدة لاكتشاف المواهب التمثيلية ويشهد مشاركة متميزة من متسابقين من دول عربية ومحافظات مصرية، ويقوم بالإشراف عليه المخرج عمرو سلامة.

ويعد البرنامج بمثابة محطة جديدة فى مسيرة المتحدة ببرامجها التى تهتم باكتشاف المواهب فى مجالات متنوعة سواء دينية مثلما يحصل فى برنامج دولة التلاوة، أو الاقتصاد ببرنامح شارك تانك ورياضة مثلما يحصل مع برنامج كابيتانو مصر، وغيرها من البرامج.

المتحدة تطلق برومو كاستنج لإكتشاف المواهب

وكانت أطلقت الشركة المتحدة للخدمات الإعلامية بالتعاون مع وزارة التعليم العالي والبحث العلمي، برومو الموسم الجديد لبرنامج كاستنج لاكتشاف المواهب، حيث نشرت فيديو عبر مختلف منصات السوشيال ميديا فيديو عن انطلاق الموسم الجديد، حيث كتبت على البوست: "فرصة لكل أصحاب المواهب الحقيقية في الغناء والتمثيل (مع بعض)، تقدر تشارك في كاستنج برنامج اكتشاف المواهب الأول من نوعه في مصر والعالم العربي بالتعاون مع وزارة التعليم العالي".