أشرف قاسم

اعترف أشرف قاسم، نجم نادى الزمالك، بوجود كارثة فى مركز الدفاع بجميع فرق الدورى، ما يؤثر على أداء منتخب مصر.

وأوضح برنس الكرة المصرية، للإعلامى إبراهيم فايق، ببرنامجه "ملعب 9090"، على إذاعة الراديو 9090: "إحنا عندنا كارثة كبيرة جدا فى المدافعين، المدافع دلوقتى بيتمركز غلط خالص، وإحنا زمان كان فيه أخطاء، لكن كنا بنتعلم منها، إحنا عندنا دلوقتى تكرار للأخطاء فى كل نوادى مصر، وده طبعا بيأثر على منتخب مصر، واللى يركز هيعرف أن أغلب أهداف الدورى شبه بعضها".

وأضاف: "أسباب الضعف فى خطوط الدفاع، بتكون من البداية فى قطاعات الناشئين، مش بيعلموهم صح، من وقفة اللاعب والتمركز السليم، لكن بالشكل ده مكنش فيه خالص، وده علاج سهل جدا، مشاهدة الأخطاء بعد كل مباراة وتصحيحها، عشان الفرق متدفعش التمن، أنا عندى أصحح غلط اللاعبين فى أكتر من محاضرة ومش مهم تدريب".

برنامج "ملعب 9090"، يرأس تحريره الصحفى أحمد درويش، وإعداد محمد عمارة، ويذاع من الأحد إلى الأربعاء فى تمام العاشرة صباحًا.