بعد فوزها بـ بطولة العالم للإسكواش.. نور الشربينى: والدى كلمة السر فى نجاحى

أكدت بطلة العالم للإسكواش والمصنفة الأولى عالميا للسيدات نور الشربينى، أن حصد لقب البطولة للعام الخامس على التوالى، مصدر سعادة وفخر كبير لها.

وقالت نور الشربينى، خلال مداخلة هاتفية لـ برنامج "كلمة أخيرة"، والذى تقدمه الإعلامية لميس الحديدى، على قناة "ON" الفضائية: "الموضوع ده اختلف كتير، وبقى فيه مصريين كويسين فغصب عن الواحد هيقابل مصرى، والبطولات اللى أنا كسبتها الخمسة 4 منهم كنت بلاعب فى النهائى بتاعهم حد مصرى".

وتابعت بطلة العالم للإسكواش: "والدى أصر يحضر معايا البطولة ويسافر مخصوص رغم صعوبة الإجراءات، وكنت فى فقاعة طبية تحسبًا لـ كورونا ولن نتعامل مع أحد، ولكن والدى فى المقابل كان عايز يبقى معايا فى البطولة، وحضرها معايا من أول لآخر يوم، وهو سافر معايا كل البطولات".