أحمد طه" عامل بمحطة سكة حديد المراغة بسوهاج
وقال أحمد طه فى التقرير: "بقالى 12 سنة بشتغل عامل خدمات فى محطة سكة حديد المراغة بسوهاج، وبعد الضهر بدور على شغل تانى علشان أساعد أولادى، وعندى بنت كبيرة وولد فى الدبلوم وآخر فى تانية إعدادى"، متابعًا: "كنت شغال فى الصالة ولقيت الشنطة وفيها الفلوس وجريت بيها على مكتب الناظر ونادى فى الميكروفون، ولقينا الأستاذ ممدوح صاحب الشنطة جاى يجرى ويقول دى بتاعتى، قولت له إهدى وعرفنا منه مواصفات الشنطة وسلمناها له".
من جانبه، قال ممدوح عبدالجواد، صاحب الشنطة: "كنت بسحب فلوس من ماكينة ATM فى المحطة وحطيت الشنطة جنبى ونسيتها، ولما وصلت المحل بتاعى جنب محطة المراغة اكتشفت إنى نسيت الشنطة، ورجعت المحطة تانى ولقيت عم أحمد الأمين وأخدنى لإدارة المحطة وكانوا ناس محترمة وسلمونى أمانتى، وبشكر عم أحمد على أمانته ولولاه لكان مستقبلى ضاع".
