البث المباشر الراديو 9090
عساف ياجوري
كشف محمد المصري صائد الدبابات، عن تفاصيل لقائه بـ عساف ياجوري قائد اللواء 190 مدرعات إسرائيلي.

وأوضح المصري، خلال لقائه ببرنامج "بالخط العريض" على قناة الحياة، مساء الجمعة، أن اللقاء مع ياجوري كان في مركز قيادة الفرقة الثانية عند العميد حسن أبوسعدة، متابعا: "أنا بدمر الدبابة ومعرفش مين اللي فيها، مش كل دبابة هاقعد أجري وراها، دبابة القيادة كانت مميزة بس مين فيها معرفش، بس أنا ضربت دبابة عساف ياجوري واللي أسره النقيب يسري عمارة".

واستطرد: "لقيت واحد قاعد على كرسي ومتكتف تكتفية الأسير في وضع مذلة، ومجرد لما عرف إني محمد المصري اللي دمر دبابته واقف أدامه رفع وشه وإداني التحية العسكرية، وقالي بتدمر الدبابات بصوابعك هات لما أبوسهم، وساعتها قولته لا أحب أبوس حد ولا حد يبوسني، أنا خوفت ياكلهم"، معقبا: "لما عقيد في الجيش الإسرائيلي يدي التحية العسكرية لرقيب مجند في الجيش المصري دي عظمة مصر والجيش المصري".

وأضاف: "إحنا كنا بنشرب 4 في غطاء زمزمية حافظا على الماء، لأني ممكن أقعد 10 ساعات بدون أكل، بس مقدرش أقعد من غير ميا".

 

تابعوا مبتدا على جوجل نيوز




آخر الأخبار