بعد 32 عاما من عرضه.. يسرى نصرالله يكشف كواليس جديدة عن إسكندرية كمان وكمان

وتحدث يسرى نصر الله عن تعاونه مع يوسف شاهين فى فيلم "إسكندرية كمان وكمان" وهو العمل الذى شارك فيه كمخرج منفذ.

وكتب يسرى نصر الله عبر حسابه الشخصى على فيسبوك: "النهارده اتفرجت على اسكندرية كمان وكمان، كان بقالى زمان جدا ما شوفتهوش، غالبا من أيام عروضه الأولى، قسوة الكتابة والتصوير وصعوبته والتوتر الشديد إللى كان بينى وبين الأستاذ غالبا كانوا السبب فى إنى مش متحمس للفرجة عليه تانى، ولما كانت بتيجى سيرة الفيلم كنت باتكلم بشكل متحفظ".

وأوضح: "ده ما يمنعش، طبعا إنى دايما كنت عارف إنه فيلم مختلف عن أى شيء عمله الأستاذ يوسف قبل كده، لما اتفرجت عليه النهاردة، اكتشفت إنى ما فكرتش ولا ثانية فى أى حاجة مرتبطة بكتابته وتصويره".

وأضاف يسرى نصر الله: "اتفرجت على فيلم ساحر، سحبنى تماما فى حريته، فى تفرده ونبرته الشاعرية المجنونة، لقطة ورا لقطة يجرونا للعالم الداخلى وهموم وخفة دم واحد من شعراء السينما المصرية الكبار أوى، شاهين فى أعلى لحظات حريته وصدقه، عاوز أتفرج عليه تانى".

يذكر أن فيلم "إسكندرية كمان وكمان"، إخراج يوسف شاهين، مخرج منفذ يسرى نصر الله، تأليف يوسف شاهين، سيناريو سمير نصرى، بطولة يسرا وعمرو عبدالجليل، زكى فطين عبدالوهاب، هشام سليم، وتحية كاريوكا.