الليثى : يا قشطة بالزبادى مع لورديانة كسرت الدنيا وعملتها علشان أحرك السوق

أكد نجم الأغنية الشعبية، محمود الليثى، أن أغنية "يا قشطة بالزبادى" مع الراقصة لورديانة كسرت الدنيا، وحققت مشاهدات عالية جدا على اليوتيوب، موضحا أنه قام بتقديمها فى هذا التوقيت "علشان يحرك السوق شوية" على حد وصفه.

وقال نجم الأغنية الشعبية محمود الليثى، خلال لقائه مع الإعلامى عمرو الليثى ببرنامجه "واحد من الناس" على شاشة الحياة، إن الموال هو عمود الأغنية الشعبية، مضيفا أن الموال الشعبى بيحكى حكاية، وبيناقش قضية، وبيقول حكمة، وبيعبرعن اللى جوانا.

 

ووجه نجم الأغنية الشعبية محمود الليثى رسائل قصيرة لنجوم الغناء الشعبى خلال الجزء الثانى من لقائه مع الإعلامى عمرو الليثى ببرنامجه "واحد من الناس" على شاشة الحياة وقال محمود الليثى، إن حمو بيكا محبوب من الناس وربنا يديم عليه حب الناس، وعبد الباسط حمودة وحش الأغنية الشعبية، وعمر كمال ابنى، وأنا توقعت له النجاح، وسعد الصغير الأغنية الشعبية دى ملعبه، ودايما بيفرح الناس وصانع البهجة.