رامى صبرى يهدد .. وعزيز الشافعى يرد : هاخد الإجراءات القانونية ضد التشهير

أوضح الفنان رامى صبرى، أن نقيب الموسيقين هانى شاكر، تدخل لحل أزمته الأخيرة مع الشاعر تامر حسين والملحن عزيز الشافعى، بعد غنائه أغنية "شكرا" للفنان عمرو دياب بصوته على السوشيال ميديا.

وعبر حسابه الرسمى على إنستجرام، كتب رامى صبرى: "كلمنى نقيب المهن الموسيقية الأستاذ هانى شاكر اليوم، كل الاحترام له وحاضر هنسى اللى فات بس لو حصل أى تجاوز مرة تانية على أى قناة أو أى مكان على السوشيال ميديا من الشاعر والملحن سيتم رفع دعوى قضائية ضدهم اللهم بلغت اللهم فأشهد".

ورد عزيز الشافعى على تصريح رامى صبرى، عبر حسابه بموقع "فيسبوك": "أولا هى دعوى مش دعوة، دعوة دى لما تعزمنا على حفلة، ثانيا: احنا صحاب الحق مش أنت خالص، ثالثاً.. بالنسبة لتهديدك لينا باللجوء للقضاء فدى الحاجة الوحيدة الصح اللى أنت قولتها وأنا ما كانش فى بالى خالص أخد حقى منك فى اتهامك الكاذب ليا من خلال القضاء".

وتابع: "احتراما للزمالة واحتراما للناس اللى بتتابعنى وبتلومنى عشان بكبر فى موضوع صغير وبرد على الإساءة والكذب اللى أنت مكمل فيه لكن أنا موافق، ومن بكره هاخد الإجراءات القانونية ضد التشهير والافتراء والزور اللى أنت ارتكبته فى حقنا".