أسما وشريف منير
وجاء الفيديو على أنغام أغنية "أحلى بنوتة" لمدحت صالح وعفاف راضى، بهدف مصالحتها، وعلق عليه قائلا: "أنا منزل الكليب ده علشان بصالح أسما، بنتى وحبيبتى، لإنى كنت مزعلها، متزعليش منى يا أسما، أنا فعلا كنت بايخ".
وقالت "أسما"، عبر منشور على صفحتها بإنستجرام تعليقا على الفيديو: "هى دى تقريبا علاقتى أنا وأبويا ناقر ونقير، أبويا برج الثور وأنا برج الحمل الاثنين طيبين بس سخنين ومتسرعين، عايزة احكيلكم على موقف مهم جدا وأثر فيا".
وأضافت: "أبويا عمل حاجة امبارح علمتنى حاجات كتير أوى، للى ميعرفش كان فى سوء تفاهم كدا وكنت زعلت شوية منه، فجأة لقيته منزل ڤيديو عنده على الإنستجرام بيطيب خاطرى وبيقولى ماتزعليش قدام كل الناس، طبعا أنا كنت طايرة من الفرحة ونسيت أصلا إنى كنت فى يوم زعلانة لأنها حركة فى منتهى الجمال والحنية والطيبة".
وتابعت: "أولا اتعلمت إن الاعتذار بيكبر الواحد جدا عمره ما يصغره، الكبرياء اللى يخلى حد فاكر انه لو معتذرش هو كده جامد ده كلام فارغ، علمنى انى لما ازعل بنتى اعتذرلها لو فعلاً غلطانة عشان عرفت قد ايه بيفرق فى النفسية ومش عشان احنا أهل يبقى مش وارد اننا نغلط".
واختتمت: "ربنا يبعد عنا العين الوحشة و يباركلى فيه وفى عمره وأفضل أتعلم منه كل يوم وأفضل فخورة إنه أبويا العمر كله".
على صعيد آخر، يعيش الفنان شريف منير حالة نجاح فنى بعد ردود الأفعال الايجابية على ظهوره فى فيلم "السرب"، الذى يضم عددًا من النجوم أبرزهم أحمد السقا، وآسر ياسين، وكريم فهمى، وهند صبرى، وقصى خولى، وأحمد حاتم، وغسان مسعود، بخلاف عدد كبير من ضيوف الشرف، تأليف عمر عبدالحليم، وإخراج أحمد نادر جلال، وإنتاج شركة "سينرجى".
وحقق برومو الفيلم نسب مشاهدات عالية عبر الفيسبوك واليوتيوب.
