فيديو .. مشرف : جبت 50% فى الثانوية.. ومحدش قبلنى غير معهد الفنون المسرحية

جاء ذلك، خلال لقائه فى برنامج "صحابة السعادة"، والذى تقدمه النجمة إسعاد يونس، على قناة dmc الفضائية.

وقال مشرف: "دخلت الثانوية العامة أول سنة سقطت فيها تانى سنة أخويا نجح وأنا سقطت روحت مدرسة دواوين الثانوية وكان نفسى أنجح بس من غير مجموع".

وتابع عبد الله مشرف : "فى 3 ثانوى جبت 50%، وكنت مبسوط أوى بس مفيش أى حاجة قبلت مجموعى، وفى يوم روحت مع صديقى افتتاح عرض عمر الخيام، وكان فيه كل الفنانين فريد شوقى ورشدى أباظة واتصورت معاهم ومعايا الصور لحد دلوقتى".

وأضاف: "وبعد الافتتاح شفت المعهد العالى للفنون المسرحية وقدمت فيه، واللجنة كان فيها سعد أردش، وحمدى غيث، وكمال ياسين، وقدمت مشهدا فى هاملت ونجحت، تانى دفعة كان فيها نور الشريف، وكان اسمه جابر، وبدّل اسمه حبا فى عمر الشريف".

أضاف :" كان اسمى بيتكتب قبل فاروق الفيشاوى فى المسرحيات على مسرح الطليعة، وكان أول فيلم ليا فيلم الكيف وبعد كده توالت الأفلام".