عمر كمال ومبروك عطية
علق مطرب المهرجانات عمر كمال على الهجوم الذى تعرض له خلال الساعات الماضية، بسبب نشر صورة تجمعه بالدكتور مبروك عطية.
وكتب عمر كمال عبر صفحته الرسمية على فيسبوك: "اتصورت صورة وأتشرف بده مع فضيلة الشيخ مبروك عطية، فى لقاء هيتذاع معاه فى رمضان إن شاء الله، وحلقة كلها خير وكلام محترم.. كلام الناس وتعليقاتهم حسستنى أنه متصور كافر أو مرتد، كومنتات كلها ازاى ده يتصور مع ده!! مع أنى مش وحش للدرجة دى".
وأضاف كمال: "زى بالظبط ما خلونى أبطل أفكر أصلى فى المسجد، أول ما أخش بحس إنى إنسان منبوذ والناس بتبصلى بصة غريبة لدرجة سمعت واحد بيقول للتانى أقف جمبه أنت لأحسن ربنا ميتقبلشى منى صلاة!!، ومش بقول إنى مقطع السجادة أنا زى أى إنسان بيقطع فى الصلاة وبيرجع بس ساعات ببقى حابب أدخل المسجد، وفعلا بطلت ده من الناس".
