نيللى كريم
تابعت نيللى كريم مؤكدة :" أنا شايفة إن كل شخصية من شخصيات المسلسل لها طموحات وأى واحدة لو لم تصل إلى النجاح اللى عوزاه بيكون جواها حقد وغل لازم يطلع".
وأضافت نيللى كريم خلال استضافتها وأبطال مسلسل "ضد الكسر" ضيوفا مع الإعلامية منى الشاذلى فى برنامج "معكم" المذاع على قناة Cbc، قائلة : "كل شخصيات المسلسل الناس حبتها وكرهتها وده بيحصل فى الدراما لأن أنا شايفة إن كل شخصية لها طموحات وأى واحدة لو لم تصل إلى النجاح اللى عوزاه بيكون جواها حقد وغل لازم يطلع".
وتابعت نيللى كريم: "أنا عجبتنى جدا شخصيتى فى مسلسل ضد الكسر لأنها ست قوية ومفترية وأنا كان نفسى أكون كدة فى الحقيقة، عشان لازم العواطف متكسرش حد عشان نكمل الحياة، فأنا شايفة إن هى الشخصية الصح لأن الضعيف بيداس عليه".
وتحدث محمد فراج عن كيفية ظهوره فى مسلسل "ضد الكسر" بدون لحية وفى "لعبة نيوتن" بلحية، قائلا: "ربيت دقنى عشان مسلسل لعبة نيوتن، والمسلسل تأجل بسبب ظروف كورونا، وأنا كنت مربى دقنى 4 شهور ولم أستطع حلاقتها بسبب أنى صورت بيها جزء كبير فى شخصيتى بلعبة نيوتن، وكانت تعبانى طول الفترة دى".
أضافت :" اتفقت مع المخرج تامر محسن على حلاقتها والاستعانة بدقن تركيب شبيه مثلها بالضبط حتى أستطيع تصوير دورى فى ضد الكسر، فأنا صورت آخر شهر ونصف فى لعبة نيوتن بدقن تركيب".
وعن تعاون نيللى كريم مع النجم كريم عبد العزيز قالت: "أنا بحب كريم جدا واشتغلنا مع بعض فى جزئى فيلم الفيل الأزرق، وكمان صورنا مشاهدنا فى حفل المومياوات فى نفس الوقت فى الأقصر، وبهنيه على مسلسل الاختيار 2، كان مسلسل قوى جدا ورائع، ومن المسلسلات اللى توجع القلب".
مسلسل "ضد الكسر" تم عرضه فى شهر رمضان الماضى، تأليف عمرو الدالى وإخراج أحمد خالد وبطولة نيللى كريم، محمد فراج، لقاء الخميسى، تار عماد، مصطفى درويش، هشام إسماعيل، وحمزة العيلي، سينتيا خليفة، لؤى عمران، تامر هشام، نور إيهاب، سامى مغاورى، رمزى العدل، أحمد أبو زيد، نهير أمين، جمال يوسف، محمود السويسى، منا عادل.
