أفشة زعلان من السوشيال ميديا : دمرت التربية وبقينا فى مجتمع الشتيمة

وجه محمد مجدى أفشة، نجم فريق الكرة بـ النادى الأهلى، رسالة شديدة اللهجة إلى رواد مواقع التواصل الاجتماعى "السوشيال ميديا"، بسبب هجومهم على البعض فى الآونة الأخيرة.

وكتب أفشة، عبر حسابه الرسمى على موقع التواصل الاجتماعى "إنستجرام": "إنك تكون محترم دہ اختیار، إنك تكون مؤدب وابن أصول دى تربية وتنشئة وإيه السبب إننا بقينا فى مجتمع السب والشتيمة بقت شىء عادى؟، يا جماعة والله الدنيا بسيطة، ربنا من عليا بنعم كثيرة جدًا من حب ناس لتوفيق ورضا".

 

وأضاف نجم الأهلى: "أسباب كثيرة جدًا ورا إنك تشوف شخص ناجح، أصلها وأساسها إنك تكون مؤدب صبور، متصدقش السوشيال ميديا دمرت أساس التربية السليمة ومتستعجلش النجاح خليك مكافح اصبر والتزم بالأصول، متجرحش حد بسهولة كده من ورا کیبورد، ولا بأنك تستسهل الشتيمة، ليه کده؟!".

وتابع : "بكلمك وأنا أكثر شخص بفضل الله بيتم دعمه وتشجيعه على وسائل التواصل، وعارف إن زى ما فيه حلو فيه وحش أنا كده كده معنديش رد إلا فى الملعب، دائما سواء للحلو أو الوحش، وبزعل جدا على حاجات بشوفها متخصنيش، لكن ممكن تؤذى جدًا وتهد تعب سنين، الأخلاق والاحترام هم أصل الرجولة متنساش".