ناجى: الشناوى لديه ثبات انفعالى مش عادى ويفوق كل حراس الدورى الإنجليزى

قال أحمد ناجى، مدرب حراس مرمى سموحة، إنه على الرغم من خروج المنتخب الأوليمبى من الأولمبياد، إلا أن محمد الشناوى حارس الأهلى دخل اهتمامات العالم كله، وما وصل له شيء يدعو للفخر.

وتابع أحمد ناجى، فى مداخلة مع الإعلامى إبراهيم فايق فى برنامج "ملعب أون تايم" الذى يذاع على قناة أون تايم سبورتس 2: "مصر خرجت من الأولمبياد ودخل محمد الشناوى اهتمامات العالم، وكل وكالات الأنباء تتحدث عن محمد الشناوى صاحب الحالة الاستثنائية".

وأضاف:" فخور بما يقدمه الحارس، ولديه ثبات انفعالى مش عادى ووصل إلى أعلى نقطة فى مستواه الفنى والفضل يرجع إلى كل مدربيه وراهنت على مستوى الشناوى وعمره 14 عاما، ولو فى أوروبا مش شايفين مستوى الشناوى يبقى "مبيشوفوش" حاجة؛ لأنه يفوق كل حراس الدورى الإنجليزى والدوريات الأوروبية".

وتابع " ناجى ":"هناك أوجه تشابه كبيرة بين الشناوى وعصام الحضرى، وكمان محمد لسه أمامه 12 أو13 موسم ومحدش يتكلم عن سن الشناوى هو حد عنده القماشة دى والحضرى اعتزل بعد الأربعين".