شيكابالا يكشف لأول مرة سبب مشكلة لقاء البنك الأهلى.. اللى بيحصل ده مش كورة
شيكابالا
وأوضح شيكابالا خلال الحلقة ما حدث فى مباراة البنك الأهلى الأخيرة ومشادته مع رئيس اتحاد الكرة أحمد مجاهد.
وقال شيكابالا: "فى ماتش التتويج مكنوش راضيين يدخلوا أهالى اللاعيبة وفضلت ساعة ونص فى الشارع علشان ادخل الناس، لو فيه مسؤول كان هيعمل ده مكنتش هفضل واقف بدخل الناس".
وأضاف: "وفضلت واقف برا لحد ما اللاعيبة طلعت ليا برا زى زيزو والجزيرى وكان الناس بتدمع علشان أهلها".
وتابع: "الونش باباه كان فرحان بابنه وأول مرة يدخل الاستاد مدخلش.. ويوسف أوباما أهله مدخلوش وجايين من سفر علشانه".
وأوضح: "كنت داخل اجيب التى شيرتات واللاعبية الصغيرة، مرضيوش يفتحوا الباب، ودورى ككابتن الفريق أن أجيب حقهم، والطبيعى رئيس الاتحاد مالوش دعوة بالكلام ده".
وواصل كلامه: "من ساعة مأخدنا الدورى حسينا إن الناس عايزة تدوس علينا، أنا خايف من السنة اللى جاية، لأن اللى بيحصل ده مش كورة".
