البث المباشر الراديو 9090
فيفى عبده
قالت الفنانة فيفى عبده، خلال حوارها مع برنامج "السيرة" تقديم الإعلامية وفاء الكيلانى، والمذاع على قناة Dmc، إن "الدنيا ملهاش أمان وأصدقائها من الرجال أكتر من الستات".

وتحدثت فيفى عبده خلال الجزء الثانى من حلقتها عن مواقف فى حياتها قائلة: "فرقتى كانت 150 رجلا وكنت بعتبرهم أسرتى الكبيرة وكلهم لازم ياخدوا حقهم ولو حد عنده ظروف لازم أقف جنبه، وأنا باخد حقى وأنا على المسرح من أى حد".

وتابعت فيفى عبده: "أصدقائى الرجالة أكتر من ستات لأن الستات ممكن يكون فى نفسنه منها، ومبحبش حد ياكل فى بيتى ويخونى، ولو فى قايمة من 5 راقصات شرقية فى تاريخ مصر هاكون من ضمنهم لأن ليا لون مميز".

 

واستكملت فيفى عبده: "تحية كاريوكا، علمتنا الإخلاص فى الشغل، وهى إنسانة جميلة جدا وكانت بتختم القرآن، وكانت بتشترى عجل هى وأصحابها ويدبحوه ويوزعوه فى السيدة زينب والحسين".

أضافت: "دفنة سامية جمال علمتنى أن مفيش حد حواليا وإن الدنيا ملهاش امان، لأن فى وقت الدفن بالمقابر كنا 4 بس، مع انها كانت ست كويسة جدا وكان عندها كرامة، واتعلمت منهم انى أكون ذكية وجدعة".

تابعوا مبتدا على جوجل نيوز


اقرأ ايضاً