رنا سماحة وزوجها
وشاركت رنا سماحة، عبر حسابها الرسمى على موقع التواصل الاجتماعى "إنستجرام"، مقطع فيديو خلال إعلان الصلح بينها وبين زوجها، وقال سامر أبوطالب فى رسالته لها: "أولًا الحمد لله، ثانيًا هقول الكلمتين الجايين دول لـ"أم مالك"، مراتى حبيبتى وأم ابنى اللى اكتشفت فى الفترة اللى فاتت دى أنى ماقدرش أعيش من غيرها ولا حتى بكون مبسوط فى أى حاجة حتى أبسط الأشياء هى لازم تكون فيها معايا بحبها أوى بجد يمكن كنت أوقات بعند بس اكتشفت أنى فعلا ما ينفعش أكون غير ليها وهى ماتنفعش تكون غير ليا".
وتابع: "آسف لو زعلتك فى أى حاجة وربنا يباركلى فيكى ويحفظنا من كل شر ويبعد عنا الحسد والحقد واللى كارهين يشوفونا مرتاحين وهاديين، والحمدلله دائما وأبدا".
وأضاف: "نيجى بقى لـ"برنس قلبى" ابنى وقرة عينى حبيبى وصاحبى وأخويا اللى لسه ماشوفتوش "مالك" مش هقولك غير أنى بحبك ولما تيجى بالسلامة هقولك حاجات كتير أوى نفسى أقولهالك ومش هتفارق حضنى أبدا، بحبك يا رنا وبحبك يا مالك.. شكراً للناس اللى كانوا بيكتبولى كلمة حلوة عشان عاوزين يشوفونا تانى مع بعض".
ومن جانبها قالت رنا: الحمدلله يا حبيبى ربنا يخلينا لبعض يا رب ويخليك ليا ولمالك يا رب ويبعد عننا أى حاجة وحشة.. عيشنا فترة صعبة والحمدلله أنها عدت، مفيش بنا أسف يا أبو مالك بس عارف لو عملت كده تانى.. ربنا ميحرمناش من بعض ويحفظ بيتنا ويكبر ويعمر بوجودك وسطنا يا رب أمين.. بحبك يا جوزى".
يذكر أن الفنانة رنا سماحة، تصدرت قبل أسابيع التريند على موقع "جوجل" بسبب شائعات انفصالها عن زوجها، وعادت بداية الخلافات بينهما إلى قيام رنا سماحة، بنشر مجموعة من الصور تستعرض فيها حملها على حسابها الرسمى بموقع "إنستجرام"، لتنهال عليها المباركات والتهانى، وهو الأمر الذى أثار حفيظة زوجها، مما جعلها بعد ساعات قليلة تقوم بإلغاء متابعته بالإضافة إلى حذف كل صوره من صفحتها، وهو ما جعل البعض يخمن إلى نشوب خلافات كبيرة بينهما وصلت إلى الطلاق بسبب هذه الصور.
وما رجح كفة هذا التخمين حذف رنا سماحة صور حملها من حسابها الرسمى على "إنستجرام" منذ أيام، بعد تصدرها الترند على موقع "جوجل ترند"، وعودة الحياة إلى طبيعتها مرة أخرى مع زوجها.
View this post on Instagram
على صعيد آخر، تنشغل رنا سماحة حاليًا بتحضيرها لأغنية جديدة لمولودها الأول "مالك"، وهى بعنوان "حبيب مامى"، والتى تهديها لطفلها، من كلمات أحمد حسن راؤول، وألحان محمد فخرانى، توزيع جلال فهمى.
