فيديو- احنا فى مجتمع شرقى .. منة فضالى تنتقد ملابس بعض فنانات الجونة
منة فضالي
وقالت منة، خلال لقائها مع برنامج "مساء dmc" المُذاع على فضائية "dmc": "أنا واحدة طبيعتى بسيطة ومش بحب الشو.. ومبحبش ألبس حاجة غريبة مش شبهى.. فيه لبس وألوان فاقعة مينفش تتلبس.. فى النهاية احنا فى مجتمع شرقى وفيه لبس الناس مبتقبلهوش".
وأضافت: "أنا بقبل النقد فى كل حاجة عادى.. ومعنديش مانع إن حد يقولى إيه يا منة اللى انتى لبساه ده، واللى بيحضروا المهرجانات.. يبقوا رايحين كل واحدة عايزة تكون لابسة أحسن وأحلى من غيرها.. وده أمر طبيعى لأن كل واحد بيبقى عايز يظهر شيك أووى".
وتابعت منة فضالى: "الفنانة اللى هى بتختار تلبس إيه، وبتختار إنها تثير الجدل، أو إنها تبقى شيك وبسيطة.. فيه فرق بين واحدة تظهر شيك وواحدة عايزة تلفت النظر وتركب التريند بس".
واستطردت: "الفنانة يسرا بالنسبالى ملكة الأناقة ولفتت نظرى فى مهرجان الجونة، وطول عمرها شيك، وأنا بحبها على المستوى الشخصى.. والفنانة درة أيضا شيك جداً.. وهند صبرى كانت تجنن.. ومنى زكى ومنة شلبى ونادين نجيم كانت رائعة.. دول اللى لفتوا نظرى وحبيت شكلهم أوى".
