بالصور.. «فضفضة فريدة» تشعل مواقع التواصل الاجتماعى

لو عايز تفضفض، ومش لاقى حد تتكلم معاه، يلا اكتب وعبر عن نفسك.. هكذا بدأت فريدة دياب، مواليد برج الأسد، خريجة قسم الفلسفة وعلم النفس بكلية الآداب، جامعة القاهرة حديثها إلى كل زوار موقع مبتدا.

بدأت فريدة فضفضتها بخلافات بين الرجل والمرأة حول الباسورد، بحوار بين زوجين عن الباسورد:

هو: انتى غيرتى الباسورد بتاعك؟ هى: أيوه غيّرته إيه المشكلة؟ نسيت أقولك

هو: نسيتى؟ معتقدش.. دى تانى مرة تعمليها

هى: يا سلام واشمعنا انا معييش الباسورد بتاعك؟ انا زى الصفحة المفتوحة قدامك لكن انت على طول ماشى بالموبايل فى جيبك حتى فى الحمام وانا ساكته

هو: انتى منتيش عارفة الدنيا فيها إيه ولا الناس بتفكر ازاى.. انا ببقى معاكى علشان احميكى واتصرف فى اى موقف يضايقك

واستمر الجدل بين الاثنين

وقام الفنان والملحن عمرو مصطفى بنشر الفضفضة على صفحته الرسمية بموقع التواصل الاجتماعى فيس بوك قائلا: "مطلوب من كل أصدقائى على الصفحة وضع حل للمشكله دى وأقوى حل سيتم وضعه على بوست باسم صاحب الحل على الصفحة".

وتفاعل رواد صفحة مبتدا وصفحة عمرو مصطفى مع صاحبة المشكلة وقدموا لها بعضا من الحلول بطريقة مرحة تخفف من ضغوط الحياة والمشكلات:

قال أحدهم "يديها الموبايل وفوقه بوسه"

وبينما قالت إحدى السيدات العرب: "هيدى المشكله مابدها حل ... اصلا هيك مشاكل ماكان ليزم تكون لو فى ثقه وتراضى بين الطرفين ماراح يكون فى مشاكل بنووووب ... الحل هوى بالثقه بين الطرفين لو هن بحبو بعض رح تكون بيناتن ثقه وهيك منلغى الشك فى الحياة الزوجيه . الحب هوى الثقه .. وماننسى القرآن الكريم بيقول : ﴿ هُنَّ لِبَاسٌ لَكُمْ وَأَنْتُمْ لِبَاسٌ لَهُنَّ ﴾. صدق لله العظيم".

وكتب آخر: "لو الراجل ثقته فى حبيبيته او مراته اتهزت ... العلاقه تنتهى فورا ً".

وعلق آخر: "الحل كل واحد يخليه فى باسوردواا احسن...وخليها على الله"

بينما قال تامر مكرم "لو الراجل واثق فى نفسه ومراته يديها الباسورد..صدقنى هيطلقوا علطول :D"�

وكتب أحمد بهاء: "كله بالحنيه بيفك".

وقال محمود كمال: "زى ما هو ليه حقوق هى كمان ليها حقوق ومن الفروض ان مفيش اسرار بين الزوجين ومن حقه ومن حقها الاطلاع على اى شئ يخصه ويخصها فى اى وقت ..وطالما ما بعملش غلط عمرى ماهعمل باسورد واخبيه عن شريك حياتي"

وعبرت نانا خليل: "مافيش داعى يستعملوا موبايلات مادامت بتوجد خلاف"