فيديو| أهالى كفر الجزار عن «خطوبة الطفلين»: «كان كده وكده»

عبر عديد من أهالى قرية كفر الجزار، التابعة لمركز شربين، بمحافظة الدقهلية، اليوم السبت، عن استيائهم الشديد من إذاعة مقطع فيديو مصور داخل إحدى حفلات أعياد الميلاد، والذى يجمع طفلة بفستان فرح وطفل ببذلة، وإيهام الناس أن الطفلين يتزوجان.

وقال أحد أهالى كفر الجزار لـ"مبتدا": "الفرح من ضمن أفراح الجمعية اللى بنلم منها نقطة، وكمان صادف عيد ميلاد الطفلة اللى ظهرت فى الفيديو، واللى كانت أسرتها حزينة على والدها اللى توفى من سنة ونصف، فقلنا نلبسها فستان فرح ونلبس ابن عمها بدلة علشان نخرج الأسرة من الحزن اللى كانت فيه مش أكتر".

وأضاف آخر: "بعض الإعلاميين استغلوا الفيديو ده فى التشهير بالطفلين وأهاليهم وزعموا إن الواقعة صحيحة وإن ده جواز بجد، وقعدوا يتهموا أهالى البلد باتهامات استغلال الأطفال وكلام مالوش لازمة، وكمان الدهب اللى كانوا لابسينه ده كان صينى وحاجات من اللى بتجيى اليومين دول".