صورة افتراضية
نادين نشرت صورًا للإصابات التى تعرضت لها ميريهان خلال اعتداء ضابط الكمين الذى أوقفها أثناء عودتها بعد تصوير مشاهدها فى مسلسل "المغنى" بالهرم.
وقالت نادين: "أختى اتهانت ظلم يا بلد الأمن والأمان، البلد اللى له حق فيها مبيجيش، أختى راجعة من التصوير الفجر (طبيعة شغلها كدة)، وقفها كمين والظابط عادى طلب رخص و قالها أقفى فى جمب فطلعتله الرخص ووقعت من إيده بعد ما أخدها ونزل يجيبها فى نفس اللحظة وهى بتتحرك خبطته بالمرايه فى إيده، إزاى دا يحصل! قام مدخل إيده يشد المفتاح وخبطها فى صدرها و قالها إنزلى طبعاً ارتبكت ورفضت تنزل فضربها بالقلم ورد فعل طبيعى منها شتمته ولما لقاها بتشتمه كده جاب واحد يصور من أول ما شتمت، طب هو فى حد هيشتم كده من غير فعل يدفع لده؟".
وأضافت: "بيلبسوها محضر سكر مع العلم إن ميريهان مبتشربش، وفى دكتور كشف عليها وقال إن هى فى قمة اتزانها، لكن طبعا لازم الكلام يتحرف ويتغير عشان موقف الظباط يبقى سليم، بس اللى معملوش حسابه إن ربنا مبيظلمش وإن فى فيديو و هى منهاره و بتقول (رجالة مصريين بيضربوا بنت مصرية) وطبعاً ده سبب إنهم ياخدوها القسم وهناك اتعرضت لأقذر المعاملة واتضربت واتهانت ورشوهم ببول وميه هى والمساعدة بتاعتها و كل آثار الضرب واضحة.. ومش أول مرة نسمع عن الظباط اللى كدة و حاجات من النوع ده، بس فعلاً اللى بنشوفه فى الأفلام قليل على اللى اتعمل فيها".
