أحمد عكاشة
كشف الدكتور أحمد عكاشة، رئيس رابطة الطب النفسى العالمى، أن ارتفاع درجة حرارة الجو تؤثر على نفسية الإنسان.
وقال عكاشة، للإعلامية لبنى عسل، ببرنامجها "الحياة اليوم"، على فضائية الحياة: "اليومين دول حاجة مش طبيعية، الحرارة دى مش طبيعية، وده هيغير نفسية الإنسان، فالازدحام يؤثر على نفسية الإنسان، ومخالفات المرور تؤثر على نفسية الإنسان".
وأضاف: "فيه إحصائية بتقول إن كل 4 أفراد فى بيناموا فى أوضة واحدة، وده بيمثله 28% من المصريين، وهو ما يؤثر على نفسية الإنسان".
وأوضح عكاشة: "المقاييس اللى بيعلموها عشان الرضى النفسى والسعادة، لا تصلح للقياس ببلادنا، خصوصا على البلاد اللى فى أول خطوات التقدم".
وتابع: "أكتر حاجة بتسعد الإنسان هى الصحبة والأصدقاء والقعدة الطيبة، والإحصائيات بتقول إن أسعد ناس هما الدنماركيين، وأكتر دول عندها اكتئاب وعندها انتحار هما برده الدنماركيين".