جورفان فييرا
وقال فايق، ببرنامجه "ملعب 9090"، على إذاعة الراديو 9090: "نفى فييرا الكلام اللى اتقال عنه إنه سب مصر ورئيس سموحة المهندس فرج عامر".
وأضاف: "فييرا قال إن الرسالة دى قديمة، وأنه مشتمش مصر ولا المهندس فرج عامر، وأن الكلام كله غلط، لكن طبعا خلاص إدارة الفريق السكندرى قررت إقالته، واتفقوا أنهم يطلعوا بالمعروف من غير مشاكل".
وتابع: "المشكلة بقى لفييرا أنه بقى صعب يرجع يدرب تانى فى مصر بعد المشكلة دى، أظن مستقبله انتهى فى مصر، والله أعلم هيحصل ايه الفترة الجاية".
وواصل: "لازم برده نفتكر قرار وزارة الرياضة بعدم التعاقد مع مدربين أجانب بالعملة الصعبة، كده فاضل مدرب واحد أجنبى هو الفرنسى باتريس كارتيرون، المدير الفنى لفريق وادى دجلة، وأكيد هتحصل حاجة الفترة المقبلة وهيمشى، لأنه بياخد على ما أذكر 130 ألف دولار فى الشهر".
برنامج "ملعب 9090"، يرأس تحريره الصحفى أحمد درويش، وإعداد محمد عمارة، ويذاع من الأحد إلى الأربعاء، فى تمام العاشرة صباحًا.
