حسن كامى
وتابع، خلال استضافته ببرنامج "سابقا" الذى يقدمه محمد على خير على الراديو 9090، أنه قضى 43 عاما على مسارح الأوبرا، وحاليا يعمل فى مكتبة فى قصر النيل اسمها "المستشرق"، بها عدد لا بأس به من الكتب القديمة، سياسية وسيرة ذاتية ومصريات وقانون والسسياحة فى مصر تحديدا، وتبيع المكتبة عدد من الصور الفوتوغرافية النادرة.
وأضاف كامى أن أول عمله أثناء دراسته الحقوق كان فى شركة سياحة، وتدرج فيها إلى أن وصل للأوبرا، وعندما وقع حريق الأوبرا عام 1971، وسافر إلى الخارج، ومثل مصر هناك، قائلا: "رجعت معايا فلوس كويسة واشتريت المكتبة دى وأهدتها لنجوى زوجتى".
وعن اعتزاله، قال كامى إنه "فى المرة الـ440 بطولة أوبرا عايدة، يوميها غنيت كويس جدا، غنيت بإلهام عظيم، والجمهور صقف لى بقوة، واعتزلت مع آخر حاجة كنت عاوز الناس تفتكرهالى".
وأضاف: "عمرى ما أقدر أنسى يوم وفاة ابنى وزوجتى، الاتنين ربنا اختارهم وأنا عايش فى ذكراهم، أنا بطلت أكتب الرسالة اليومية على "فيسبوك" لزوجتى والتى استمرت لعامين بعد وفاتها، بس علشان الناس اتأثرت بيها لسه بترددها".
وتابع: "كان نفسى ابنى لنفسى ولبلدى مجد أوبرالى، ببقى مبسوط لما بلاقى فرقة قومية من أكتر من 30 مغنّيا بمستوى عالمى ويغنوا أكتر من 40 حفلة سنوية".
واختتم اللقاء بـ"الدنيا حرمتنى من ابنى ومراتى، أنا راضى جدا، ومتصالح مع نفسى، مفيش حد فى الدنيا بياخد كل حاجة".
