سناء منصور
وقالت ماما سناء: "كان فى ممكلة كبيرة للنحل، الكل فيها بيشتغل بنشاط وهمة ماعدا النحلة فوفو، اللى كانت بتحب تلعب ومتشتغلش، وفى يوم كان سرب النحل بيشتغل عملت نفسها بتشتغل معاهم، وسابتهم ولعبت مع الفراشة، الفراشة قالت لها إنتى ليه مبتشتغليش زى زمايلك مع السرب، قالت لها فوفو إنها بتحب تلعب ونفسها تطير زيها قالت لها باستغراب كل حاجة ربنا خلقها ليها وظيفتها فى الكون، النحلة ما اهتمتش ولعبت لحد ما رجع السرب فرجعت معاه وكأنها كانت شغالة معاه".
أضافت: "والملكة لاحظت دا فقالت لها إنتى إزاى بتخرجى كل يوم مع السرب ومفيش أى عسل عندك، قالت لها فوفو ما أنا كل ما بروح لأى زهرة أو وردة عشان أمتصه ما بلاقيش رحيق عشان أمتصه وأطلع عسل، الملكة سابتها وفوفو فرحت أوى بأنها خدعت الملكة، والملكة بعتت نحلة تراقبها، وبعدين واجهتها فمرعرفتش ترد عليها، اتحبست فوفو واتمنعت من الخروج عقابا على اللى بتعمله".
تابعت: "الفراشة جت تسأل عليها، فحكتلها على اللى حصل، وقالتلها كان المفروض تقولى الصدق هوا اللى هينجيكى وهيخلى كل الناس تحبك، طلبت فوفو مقابلة الملكة واعترفت لها باللى حصل واعتذرت، الملكة قبلت اعتذارها عشان هى قالت الحقيقة واعتذرت ووعدتها إنها تشتغل ومتكدبش تانى".
اقرأ ايضاً
آخر الأخبار
تعليقات القراء