محمد أنور
وأوضح: "أول ما ظهرنا ماحدش كان عارفنا، والناس كانت حفظانا بالإفيهات، وكان لما ينجح إفيه كان بيبقى نجاح للمثل".
وقال أنور إن "مسرح مصر" مختلف تماما عن الوسط الفنى، فلا يوجد به غيرة بين أفراده، مضيفا: "الوسط الفنى قايم على الغيرة بس إحنا معندناش كده ومفيش غيرة بيننا".
وتابع: "إحنا معندناش مشكلة نطلع ضيوف شرف مع بعض، يعنى مثلا مصطفى خاطر عامل مسلسل فى رمضان، كلنا عايزين نطلع معاه كضيوف ونفس الكلام مع على ربيع".
وأشاد أنور بتجربته مع الفنان محمد عادل إمام فى مسلسل "لمعى القط"، قائلا: "أول ما اشتغلت معاه استغربت طريقته فى الشغل، لأن أهم حاجة عنده الناس اللى معاه، ودايما عنده قلق علشان يطلع الشغل بشكل كويس، وهو شخص مش أنانى والدليل أن أغلب أعماله جماعية".
يذكر أن فاطمة مصطفى تقدم برنامجها "الراديو بيضحك" يومين من كل أسبوع، هما الأربعاء والخميس، فيما تقدم برنامجها الآخر، بالتعاون مع الإذاعى القدير طارق أبوالسعود، وهو "ببساطة"، من 12 إلى 2 يوم الأحد من كل أسبوع.
