الدكتورة نائلة عمارة
وأضافت فى برنامجها "ماذا ولماذا"، المذاع عبر راديو 9090: "مريم اعتدا عليها 10 فتيات ومشيت لحد المستشفى على رجليها، وطلعوها بعد فترة قصيرة جدًا وهى عندها نزيف بالمخ، ورجعت مستشفى تانية وتوفت، ووالدتها كانت بتقول محدش كان مهتم بحالتها، إلى أن توفت ووجهت التعازى لولدتها وأسرتها وكل المصريين".
ونوهت عمارة، "المواطن المصرى، وكلنا شفنا الهاشتاج الذى أطلق على مواقع التواصل الاجتماعى "عاوزين حق مريم".
وأكدت أن النائب العام، المستشار نبيل صادق، أمر بسرعة مخاطبة السلطات البريطانية للحصول على التقارير الطبية المتعلقة بمقتل الطالبة المصرية، لاستكمال التحقيقات التى تجريها إدارة التعاون الدولى.
وأوضحت: "قصة مريم تشير وتؤكد أن المواطن المصرى مش رخيص، وأن الدول دى مش دول الجنة المزعومة، والطب هناك فيه إهمال وده مش معناه أن الطب عندهم مش متقدم، بالإضافة أن البنات القُصَر الذى يقل عمرهم عن 18 سنة يحيمهم القانون.
وأشارت عمارة: "لندن لسه مجبتش حق مريم، وفى نفس الوقت مجلس العموم البريطانى عاوزين يطمنوا على مرسى وعاوزين يعرفوا يا ترى كويس ولا أيه، وبعتوا للخارجية علشان يفتشوا ويدورا على الراجل بتاعهم".
وتابعت: "أشمعنى مرسى اللى بريطانيا بتدور عليه على الرغم من وجود الرئيس الأسبق محمد حسنى مبارك وتعرضه لأكثر من وعكة صحية"، مشيرة إلى أن هذا يعتبر تعدى واضح على حقوق الدولة المصرية ولن تسمح به الدولة.
واستكملت عمارة: "لما محدش رد عليهم قرروا يعملوا صفحة على مواقع التواصل الاجتماعى علشان يجمعوا تعليقات الناس حول وضع مرسى فى السجن، وأكدت أن بريطانيا تاريخها واضح بالنسبة للاستعمار والحقوق، واستعجبت من اهتمامهم الآن بحقوق الإنسان.
