تامر حسنى
وكتب تامر، عبر حسابه على "انستجرام": "ببارك لكل صناع فيلم البدلة ألف مليون مبروك.. تعبنا كلنا واشتغلنا وقولنا يا رب .. وآدى ربنا كرمنا كلنا بأجمل كرم.. ويحقق 40 مليون فى مصر.. ويتخطى الـ150 مليون بالخارج فى 20 يوم فقط ولسه الفيلم قدامه شهرين أو ٣ فى دور العرض.. عشان كده حبيت أشكر كل اللى تعبوا فى الفيلم".
وأضاف: "وبجد بحمد ربنا من كل قلبى على كرمه الكبير وطبعاً كل الإيراد ده فى كرش السيد المنتج المحترم الأستاذ وليد منصور.. ربنا يبعد عنك العين يا ابن المحظوظة بهزر يا جماعة.. مليون مبروك يا وليد تستاهل كل خير بشكر كل الجماهير العظيمة فى مصر وجميع الدول العربية والعالم".
وتدور أحداث الفيلم حول أكرم "تامر حسنى" الذى يتلقى دعوة لحضور حفلة تنكرية، فيقرر ارتداء زى الشرطة ما يتسبب فى وقوعه فى أزمة لانتحاله صفة ضابط شرطة فى الوقت الذى يبحث فيه عن ملف معين فتقع له العديد من المفارقات.
يشارك فى بطولة الفيلم تامر حسنى، أكرم حسنى، دلال عبدالعزيز، ماجد المصرى، ومحمود البزاوى، وهو من تأليف أيمن بهجت قمر وإخراج محمد جمال العدل.
