حرق شخص
وأضاف المتهم: "محمود صاحبى من زمان، كنا بنقعد مع بعض، أكتر من قاعدتنا مع أهلنا، حصلت له ظروف وطلب منى 500 جنيه سلف، ووعدنى إنه هيرجعهم بعد شهر".
وتابع: "عدى الشهر ومجبش الفلوس، فطلبتهم منه، فضل كل شوية يماطلنى، وبعد كده قالى ملكش عندى حاجة، وكنا قاعدين مع جماعة أصحابنا، فشدينا مع بعض، وقعد يسبنى بأمى وأبويا، فقررت بينى وبين نفسى إنى لازم أخلص منه".
وعن تفاصيل الجريمة، قال المتهم: "طلبت من محمود إننا نتقابل ونحل الخلاف اللى بينا، وأقنعته إننا أصحاب عمر، ومينفعش يحصل بينا كده، فوافق وجالى واتمشينا فى أرض زراعية، فغفلته وضربته على راسه بشومة، لحد ما وقع واتأكدت إنه مات، وبعد كده ولعت فى الجثة، عشان محدش يتعرف عليه، لكن الجيران عرفوه، واتمسكت".
وفى نهاية التحقيقات، قررت النيابة، حبس المتهم محمد.ا.ا 33 سنة، 4 أيام على ذمة التحقيقات، بتهمة القتل العمد، وصرحت بدفن الجثة.
كان مدير أمن قنا، تلقى إخطارًا يُفيد بالعثور على جثة محمود على يحيى 31 سنة "مزارع" بقرية أبومناع غرب دشنا، محترقة وملقاة فى الزراعات.
