باسم مرسى
وقال طيارة، عبر حسابه الشخصى بموقع التواصل الاجتماعى "فيسبوك": "رسالة لباسم مرسى يا ابنى أنت أكيد فاكر شكلك كان عامل إزاى أول ما جيت بتروجت، وأكيد فاكر إنك كنت كل يوم بتروح بعد التمرين فى عربيات زمايلك مش عيب.. كلنا بدأنا من تحت الصفر العيب لما ننسى أصلنا.. وأن نادى بتروجت هو اللى ركبك عربية وخلى الناس تعرفك وعشان كده روحت الزمالك".
وتابع "عيب ومصيبة لما تتكلم كده على مكان كان بيصرف عليك وعلى أهلك وتستكبر حتى تقول اسمه عشان هو بقى فى موقف صعب فى جدول الدورى، أنا مثلاً ليا مبلغ كبير لدى بتروجت بعد ما تركت النادى ولغاية دلوقتى ما أخدتوش، لكن عمرى ما أغلط أو أتكبر على مكان كلت فيه عيش وكان فاتح بيتى وبيصرف عليا أنا وأهلى، رغم إنى كنت رايح بتروجت وبفضل الله معروف ورايح شبعان من نادى كبير نادى إنبى، مش زيك ماكنش حد يعرفك ورايح جعان، لكن عمرى ما أنسى خير وفضل نادى بتروجت عليا وعلى بيتى".
وأضاف طيارة: "إن شاء الله يا رب بتروجت يرجع لمكانه الطبيعى فى الدورى.. بتروجت نادى كبير ونصيحه لوجه الله الدنيا دواره يا بنى مابتفضلش على حالها (ولو دامت لغيرك ما كانتش جاتلك)، وعندك حسام باولو، هداف الدورى، كذا موسم، وكان فى الزمالك برضو، ما استكبرش على نادى الداخلية.. صحيح قلة الأصل طبع".
