الكاتب هانى لبيب
وأضاف خلال لقائه مع الإعلامى أحمد موسى ببرنامجه "على مسؤوليتى" بفضائية "صدى البلد"، اليوم الثلاثاء: "إحنا مش على راسنا بطحة، إحنا عندنا مشاكل ولكن هذه المشاكل فى المجتمع المصرى، نتيجة دعم البعض فى الخارج للجماعات الإرهابية، إحنا بنجرمهم وهم بيدوهم جوايز".
وتابع هانى لبيب كلامه: "إحنا مقصرين فى حق نفسنا، فيه إنجازات محدش يعرف عنها حاجة، مثلا النظام الحالى مابيتكملش كتير عن المواطنة ولكن بينفذها على أرض الواقع، لما الرئيس يروح لبنت تم التحرش بيها ويهتم بذوى الإعاقة، الحاجات اللى زى دى محدش بيتكلم عنها، إحنا عملنا إنجازات رغم كل التحديات، إحنا فى 4 سنين عملنا إنجازات ماتعملتش فى مصر خلال 50 سنة".
وأضاف: "عندنا ضوابط صارمة عند القبض على الإرهابيين، ومش أى حد بيتقال عليه إرهابى أو إخوان بيتقبض عليه".
استكمل كلامه: "إحنا سيبنا نفسنا من الأول لما سيبنا الناس تتفرج على أفلام زى هى فوضى، ويعرفوا إزاى يهاجموا الأقسام، السينما صناعة وعى، وفيه فرق بين صناعة وعى إيجابى وصناعة تخريب، وفيه فرق بين حرية الرأى والتعبير وبين قلة الأدب".
وأكد هانى لبيب أن المجتمع المدنى كان له دور داعم ولعب أدوارا كبيرة جدا فى التنمية فى مصر، وضرب مثالا على ذلك بمد مواسير صالحة للشرب فى العديد من المناطق داخل مصر.
وأوضح: "اللى بيحكم السياسة الخارجية هى المصالح، لا حقوق إنسان ولا غيرها"، مضيفا: "لأول مرة سياستنا الخارجية تتعامل بمنطق المصالح".
