أحمد رفعت
وأشار أحمد رفعت، إلى أنه لم يتطاول على الحكم محمد الصباحى، بعد تلقيه البطاقة الصفراء الأولى بسبب الاعتراض، مشيرا إلى أن مدرب الفريق على ماهر عنفه وطالبه بالاعتذار للحكم، إلا أنه فوجىء بتلقيه البطاقة الصفراء الثانية ومن ثم الحمراء.
وقال رفعت، عبر حسابه الرسمى على موقع تبادل الصور "إنستجرام": "فى البداية أنا بشكر زمايلى على ماتش النهاردة والجهاز الفنى ومدربى على مساندتهم ليا طول الفتره اللى فاتت.. تانى حاجه أنا لازم أوضح الحوار اللى دار بينى وبين الحكم علشان الاجتهادات اللى ملهاش معنى".
وتابع: "انا بتكلم مع الحكم وبقوله الكرة فاول لازم تحسبها انت عمال تحسب فاولات كتير علينا، قالى مش شغلك قولته لا شغلى أنا اللى بلعب راح مدينى إنذار.. كابتن على ماهر عنفنى وقالى روح أعتذز له فروحت طبطبت عليه وقلتله معلش ياكابتن هايل بالظبط كده راح طاردنى ف بقولو ليه قالى مطبطبش عليا.. ده بالحرف الحوار اللى دار بينى وبين الحكم".
وأضاف أحمد رفعت: "فى ناس بتقول إنى بقول كده بسخرية هو أصلا ماكنش شايفنى كان بيكتب الإنذار ومش باصيصلى فى متهيالى ميقدرش يفرق دى سخرية ولا لا".
ونجح النادى الأهلى فى تحقيق الفوز أمام إنبى بهدفين لهدف وحيد، الثلاثاء، فى المباراة التى جمعت الفريقين فى إطار مؤجلات الجولة الـ13 من عمر بطولة الدورى المصرى الممتاز.
وشهدت المباراة جدلا تحكيميا واسعا، بسبب إلغاء هدف للفريق البترولى قبل دقائق قليلة من نهاية اللقاء بداعى التسلل، بالإضافة إلى إشهار البطاقة الحمراء فى وجه اللاعب أحمد رفعت.
