أمير طعيمة
شن الشاعر الغنائى أمير طعيمة، هجوما شديدا على الأهلى وجماهيره، وذلك عبر صفحته الرسمية على "فيسبوك".
وكتب أمير قائلا: "الناس كلهم عارفين إنى مش أهلاوى ولا زملكاوى وإن كان احترامى للأهلى ككيان احترام كبير، وعشان تفهموا اللى هقوله كويس لازم تدخلوا على صفحتى الرسمية وتشوفوا تعليقات جمهور الأهلى المحترم على آخر بوست رغم إنه بوست فنى".
وأضاف: "المختصر المفيد أنا حاليا ما بكرهش فى حياتى قد الأهلى طالما ده جمهوره، هتقولى قلة؟ هقولك لا.. مفيش تعليق واحد يتوصف بالاحترام لا على فيس بوك ولا تويتر".
تابع: "بعلن ندمى واعتذارى لنفسى على أغنية نادى المبادئ اللى أهديتها للخطيب فى حملته الانتخابية، اللى مش عاجبه الكلمتين دول يخرج من عندى عشان ما أخسرش حد على موضوع تافه".
واختتم حديثه: "ملحوظة مهمة أنا عمرى ما اتكلمت عن الأهلى أو غيره بعدم احترام، بس طبعا ده كان ياما كان".
