خالد سليم
أكد الفنان خالد سليم أنه أول من بدأ طرح الأغنيات على طريقة "سينجل"، وكان ذلك فى عام 2009، مؤكدا أنه يفضل طرح الأغنيات منفردة بدلا من طرحها فى ألبوم كامل.
وأوضح خالد الذى حل ضيفا على برنامج "الراديو بيضحك"، مع الإعلامية فاطمة مصطفى على الراديو 9090، أنه هذا العام سيكرر هذه التجربة، وبدأها بطرح أغنية "لسه كبير"، وبعدها سيطرح أغنية "عشمنى"، ومع بداية الصيف سيطرح أغنية ثالثة لعزيز الشافعى، مضيفا: "وبكده كل أغنية هتاخد حقها فى الدعاية".
وقال خالد: "كل المنتجين الموجودين دلوقتى بيخسروا وعلشان المنتج مايخسرش لازم يضمن حقه، فيقرر أنه يستحوذ على كل الإيرادات اللى بتيجى للألبوم اللى بينتجه، فبالتالى بيقرر مايديش أجر كويس للفنان اللى معاه، وبالتالى بيسحب من الفنان كل حقوقه المادية".
