بعد الهجوم عليه بسبب فيديو «الواسطة».. العسيلى يرد: «فاهمين الموضوع غلط»

وظهر العسيلى فى الفيديو وهو يقول: "حضرتك جامد جدًا، معاك واسطة أو حاجة كده، ولا بتحبنى وكل الناس دى بتكرهنى".

وأثار هذا الفيديو غضب الكثيرين، وواجه العسيلى هجومًا كبيرًا بسبب رده، الذى اعتبره البعض غرور وقلة ذوق، وقال بعضهم: "على فكرة اللى معهوش واسطة ده هو اللى عملك وأنت موجود عشان هو يتبسط يا نجم".

فى المقابل رد العسيلى على تلك الانتقادات على "تويتر" قائلًا: "حضرتك فاهم الموضوع غلط خالص.. دى كانت حفلة كبيرة جدا فيها مئات الطلبة،وواحد منهم مصمم يتصور، ولو اتصورت معاه مش هغنى لأنى لازم اتصور مع كل الناس اللى فى الحفلة.. باقوله اشمعنا هتصور مع حضرتك أنت بس.. من فضلكم متحكموش على حاجة أنتو مش فيها .. وشكرا".