بعد عودة الرحلات| أسامة كمال لشركات الخطوط البريطانية: «كما تدين تدان»

قال الإعلامى أسامة كمال، إن مدة صلاحية قرار الخطوط الجوية البريطانية، بتوقف رحلاتها لمصر، انتهت اليوم، وتم استئناف الرحلات من وإلى القاهرة.

جاء ذلك، خلال تقديمه لحلقة جديدة من برنامج "مساء dmc" والذى يذاع على قناة dmc الفضائية.

وتساءل كمال: "طب هو إيه اللى كانوا بيتحققوا منه وتحققوا؟! إيه اللى كانوا خايفين منه وما بقوش خايفين؟!.. طب سلامة عملاءهم وطاقمهم كان جرى لها ايه؟! متعرفش، ومحدش بيقول، وكل ما تسأل واحد يقول لك كلام غير التانى.. هل كان خلافًا تجاريًا؟ هل كانت هواجس أمنية؟!".

واستطرد: "وعشان الترجمة توصل صح وكاملة، رسالتى لبريتيش إيروايز وبريطانيا ككل، احترس، كما تدين تُدان والأيام دول".

وتابع: "الإنجليز بقت صورتهم على الأقل فى عينين المصريين سيئة جدًا، مش بس فى موضوع الطيران، لأ فى موضوعات أكتر من كدة بكتير وأعمق من كدة بكتير".