وجدى غنيم لشباب الإخوان: ربنا كرمنا فى تركيا يا حاقدين وبقينا بنركب عربيات

فى مشهد يوضح طريقة تعامل قيادات جماعة الإخوان الإرهابية مع شبابهم، خرج الإخوانى الهارب وجدى غنيم، بتصريحات مناوئة للشباب الذين ينتقدون تغير نهج وأسلوب معيشة قيادات الإخوان الهاربين فى تركيا.

وقال غنيم، فى مقطع فيديو تم تداوله عبر صفحات مواقع التواصل الاجتماعى "فيسبوك": "فيه ناس حاقدة علينا، معرفش ليه كدا، وفيه ناس عمالة تقول الناس اللى راحوا تركيا دول بيركبوا عربيات وبياكلوا شاورما"، متسائلا: "طب أنت مالك أنت يا حاقد يابو قلب أسود.. أمال عايزنا ناكل إيه يعنى فول وفلافل؟".

وأضاف القيادى الإخوانى الهارب: "ربنا كارمنا.. كنا بناكل فول وفلافل فى بلادنا، لما ربنا وسع علينا جينا هنا"، مستشهدا بالآية الكريمة: "ومن يهاجر فى سبيل الله يجد فى الأرض مراغما كثيرا وسعة".

وتابع غنيم: "ربنا موسع علينا.. إيه الحقد اللى علينا دا مش عارف.. وراكبين عربيات.. دا كذا عربية بنركبها ياخى.. هو إحنا محكوم علينا يعنى بالفقر والغلب.. حقد دفين فى قلوب ناس أستغفر الله العظيم".