حمو بيكا
وشن النشطاء هجومًا واسعًا على "السوشيال ميديا" للسخرية وانتقاد فعل حمو بيكا، إذ أنه هدد، من خلال مقطع فيديو نشره على موقع "يوتيوب" بتحطيم نقابة الموسيقيين، لمنعه من الغناء، زاعمًا أن النقابة تطلب منه 400 ألف جنيه مقابل الغناء.
وقال حمو بيكا : "طالبين منى 400 ألف جنيه عشان أدخل النقابة، أنا بيهم أو من غيرهم هشتغل، أنا سافرت برة مصر والناس رحبوا واعترفوا بيا، أنا عايز أعرف مين اللى بيمثل النقابة، لو الفنان هانى شاكر، يجى يشوف النقابة والناس اللى قاعدة، أنا معايا 20 واحد شغالين وبياكلوا عيش".
وتابع حمو بيكا : "المرة الجاية هانزل الشارع والناس هاتنزل معايا وهكسر النقابة، ومفيش حاجة هتمنعنى غير الموت، ومش خايف من الحبس، هاننزل نقول مش عايزين هانى شاكر".
جاء ذلك بعد قرار نقابة المهن الموسيقية، بإلغاء حفلة حمو بيكا ، والتى كان مقررًا أن تقام فى دمياط يوم 24 أكتوبر الجارى، وبدأ منظمو الحفل يستعدون للحفل وقطع التذاكر.
فى المقابل كشفت استمارة امتحان حمو بيكا للانتساب إلى نقابة الموسيقيين رسوبه فى الامتحان.
انتهت اللجنة المكونة من الموسيقار حلمى بكر، ومحمد أبو اليزيد، وأحمد رمضان ومحمد عبدالستار، والدكتور عاطف إمام والمطرب خالد بيومى ومنصور هنى بالتوقيع على استمارة حمو بيكا بـ "لا يصلح".
